बिर्तामोड।  झापाको बुद्धशान्तिमा जारी तेस्रो बुद्धशान्ति गाउँपालिका बडास्तरीय नकआउट फुटबल प्रतियोगिताको आइतबार भएको  खेलमा वडा न २  बिजयी भएको छ।
   बुद्धशान्ति गाउँपालिका वडा नं २ खेलकुद बिकास समितिको आयोजना तथा नवज्योति युवा क्लब बुद्धशान्ति २ को सहआयोजनामा जयपुरस्थित आदर्श माविको खेलमैदानमा वडा न २  र वडा न ७ बीच भएको  खेलमा वडा न २ ले वडा न ७  लाई  २ गोल गर्दै बिजयी भएको हो ।
   वडा न २ को तर्फबाट बिकास दाहाल र समिर धिमालले एक एक गोल गरेका थिए।
  खेलको म्यान अफ द म्याच वडा न २  का अनिल गिरी घोषित भएको  बुद्धशान्ति गाउँपालिका  खेलकुद बिकास समितिका गोकुल पौडेलले जानकारी  दिए ।
 बुद्धशान्ति गाउँपालिकाको प्रायोजन र बुद्धशान्ति गाउँपालिका  खेलकुद बिकास समितिको समन्वयमा भइरहेको तेस्रो बुद्धशान्ति गाउँपालिका बडास्तरीय नकआउट फुटबल प्रतियोगिता अन्तरगत सोमबार वडा न १ र वडा न ६  बीच खेल हुने  सहआयोजक नवज्योति युवा क्लब बुद्धशान्ति २ का अध्यक्ष गोपाल पोखरेलले जानकारी दिए। 
 आगामी माघ १७ सम्म सञ्चालन हुने प्रतियोगिताको बिजेतालाई नगद ५० हजार शिल्ड र प्रमाणपत्र तथा उपबिजेतालाई नगद २५ हजार शिल्ड र प्रमाणपत्र प्रदान गरिने आयोजक वडा नं २ का टीम म्यानेजर सेमन्त पोखरेलले जानकारी दिए।